एनसेलले ल्यायो प्रिपेड ग्राहकका लागि आकर्षक साप्ताहिक प्लान

काठमाण्डौं – एनसेलले  प्रिपेड ग्राहकका लागि मेरो प्लान अन्तर्गत साप्ताहिक प्लान ल्याएको छ । यस योजना अन्तर्गत ग्राहकले अब अझ सस्तो दरमा डेटा र भ्वाइस सेवाको फाइदा लिन सक्ने कम्पनीले जानकारी दिएको छ ।

मंगलबार देखि लागु हुने यो योजनामा एनसेलले दुई साप्ताहिक प्याक २ जिबी प्लान र ६ जिबी प्लान ल्याएको छ । २ जिबी प्लान अन्तर्गत ग्राहकले कर सहित मात्र ९५.७७ मा २ जिबी डेटा पाउने छन् । यो प्लान अन्तर्गत ग्राहकले अननेट अर्थात् एनसेल नेटवर्क भित्र कर सहित मात्र १.२८ रुपैयाँ प्रति मिनेटमा भ्वाइस सेवाको फाइदा पनि लिन सक्नेछन् ।

त्यसैगरी ६ जिबी प्लान अन्तर्गत ग्राहकले कर सहित मात्र १९१.५४ रुपैयाँमा मा ६ जिबी (४ जिबी ं २ जिबी भिडियो डेटा) पाउने छन् । यो प्याक अन्तर्गतको भिडियो डेटा युट्युब, आइफ्ल्क्सि, एनसेलको भिडियो पोर्टल तथा गुगल सेवाका अन्य सेवा जस्तै गुगल प्ले, म्याप्स आदि चलाउन प्रयोग गर्न सकिने छ ।

डेटा प्याक सकिए पछि मेन ब्यालेन्स नकाटि आफै डेटा बन्द हुने मेरो प्लानको विषेशता रहेको यो प्लान अन्तर्गत ग्राहकले आफ्नो डेटा भोलुम सकिएपछि आवश्यकता अनुसारको मेरो प्लानहरु तुरुन्त सुचारु गर्न सक्नेछन् ।

साप्ताहिक प्लान अन्तर्गतका डेटा भोलुमको समयावधि सुचारु भएको दिन देखि ७ दिनको रहने छ । ग्राहकले एस्ट्रिक्स १७१२३ ह्यास डायल गरी प्राप्त निर्देशन अनुसार कुनै पनि एउटा प्लान सुचारु गर्न सक्नेछन् ।

यस योजनामा रहेका कुनै पनि प्लान सुचारु गरेपछि हरेक हप्ता स्वतः नविकरण हुनेछ । प्लान नविकरण हुनको लागि मोवाइलमा प्लान अनुसारको चाहिने ब्यालेन्स हुनु आवश्यक छ ।

मेन ब्यालेन्स प्लान नविकरण गर्न अपुग भएको खण्डमा पनि ग्राहकले विद्यमान शुल्क भ्वाइस प्रति मिनेट करसहित २.५४ मा प्रयोग गर्न सक्नेछन् ।

प्रतिक्रिया दिनुहोस