नेपालमा ९ जना थपिए काेराेना संक्रमित, कुल संख्या २५८ पुग्याे

नेपालमा काेराेना भाइरस संक्रमितकाे संख्या २५८ पुगेकाे छ । शुक्रबार बिहान ९ जनामा काेराेना संक्रमण पुष्टि भएकाे छ ।

स्वास्थ्य तथा जनसंख्या मन्त्रालयले दिएकाे जानकारी अनुसार राष्ट्रिय प्रयोगशाला काठमाडाैँ र बाँकेकाे भेरी अस्पताल प्रयाेगशालामा गरिएकाे परीक्षणमा ९ जनामा काेराेना पुष्टि भएकाे हाे । थपिएका ९ मध्ये एक जना मकवानपुरका ३७ वर्षीय पुरुष र बाँकी ८ जना बाँकेका पुरुष रहेका छन् ।

बाँकेका संक्रमितहरू १८ वर्षदेखि ३६ वर्ष उमेर समूहका रहेकाे मन्त्रालयका सह-प्रवक्ता डा समिरकुमार अधिकारीले जानकारी दिए । उनका अनुसार संक्रमित सबैकाे स्वास्थ्य अवस्था सामान्य रहेकाे छ भने उनीहरूलाई आइसोलेसनमा राखेर उपचार थालिने भएको छ ।

यसअघि बिहीबार मात्र विभिन्न ठाउँमा ६ जना संक्रमित थपिएका थिए । हाल ३५ जना संक्रमित भने निकाे भइसकेका छन् ।

प्रतिक्रिया दिनुहोस